Гомельская рэгіянальная ўправа КДБ прыпыніла справу супраць маладога актывіста Кірылы Атаманчыка.Паведамленьне пра гэта камэнтуе прэсавы сакратар незарэгістраванай арганізацыі “Малады фронт” Тацяна Шапуцька:
“Мы лічым, што гэта — добры знак. Ён сьведчыць, што санкцыі ЗША і рэзалюцыя ААН падзейнічалі, і цяпер улады ў Беларусі ня ведаюць, што рабіць з апазыцыйнай моладзьдзю”.
Тацяна Шапуцька таксама ўдакладніла, што цяпер у Салігорску пракуратура вядзе праверку па факце ўдзелу маладафронтаўцаў у вулічнай акцыі пратэсту 7 лістапада.
Выклікаюць маладых актывістаў на допыты і ў Магілёве. Там міліцыянты пагражаюць завесьці адміністрацыйную справу супраць Тацяны Буланавай. Дзяўчыну затрымалі разам зь сябрамі ў яе дзень нараджэньня. Міліцыя лічыць гэта несанкцыянаваным сходам.
Источник: Радыё Свабода
Навигация
Онлайн
Лучшие новости
Погода
Друзья сайта